Idara ya maji ni miongoni mwa Idara 13 zilizopo katika Halmashauri ya wilaya ya Tunduru. Idara ina jumla ya watumishi 17 Mhandisi 1, Fundi Sanifu 13, Mlinzi 1 na Mtunza kumbukumbu 1. Pia Idara ina gari mbili (2) ambazo hutumika katika kutoa huduma na kushughulikia kazi za kila siku katika idara.
SHUGHULI ZA IDARA.
Kuatayarisha mikakati ya masuala yote ya maendeleo na mipango thabiti ya uendelezaji rasilimali maji katika Wilaya na kufuatilia utekelezaji wake pamoja na bajeti ya muda mfupi na mrefu wa matumizi ya rasilimali za maji
Kusimamia utekelezaji wa mpango wa hifadhi ya mazingira kwenye vyanzo vya maji
Kuhamasisha na kutoa elimu kwa wananchi juu ya uendelezaji na utunzaji wa rasilimali maji ikiwa ni pamoja na utumiaji wa maji salama
Kutayarisha taarifa za utekelezaji wa miradi ya maji Wilaya za kila wiki, Mwezi na Robo mwaka na kuwasilisha kwenye mamlaka husika.
Kusimamia uchimbaji wa Visima vya maji na kuhakiki uwezo wa visima kutoa maji (Pump test) pamoja na nukarabati wa vituo vya kutolea maji vilivyopo Wilayani
Kutembelea kutoa ushauri na kukagua ufanisi bora wa utekelezaji wa miradi ya maji inayotekelezwa kwenye maeneo ya kata na vijiji
Kuandaa BOQ za miradi ya rasilimali maji inayotakiwa kutekelezwa Wilayani na kuziwasilisha kwenye mamlaka zinazotakiwa
Kuhakikisha miradi yote ya rasilimali maji inatekelezwa katika muda uliopangwa kulingana na fedha iliyotolewa na kwa kiwango kinacho takiwa kulingana na BOQ iliyo andaliwa
Kutumia, Kutunza na kusimamia matumizi bora ya mali zote za serikali zilizokabidhiwa idara ya maji
Kumshauri Mkurugenzi Mtendaji wa Halmashauri kuhusu masuala mbalimbali yanayotokana na rasilimali maji.
Kufanya kazi kadri zinavyo agizwa na mamlaka za juu.
SEHEMU KATIKA IDARA.
Idara ya maji ina sehemu kuu mbiliambazo ni
Maji Mjini ambayo husimamiwa na Meneja wa mamlaka chini ya Bodi ya Wakurugenzi
Maji vijijini ambayo husimamiwa na Mhandisi wa Maji Wilaya Chini ya Mkurugenzi Mtendaji (W)
MIRADI YA MAJI ILIYOTEKELEZWA NA INAYOTEKELEZWANA IDARA
Halmashauri inatekeleza jumla ya miradi 4 ya maji katika vijiji vya Lukumbule, Amani/Chiungo/Meamtwaro, Matemanga na Mbesa. Aidha miradi 2 katika vijiji vya Amani na Lukumbule imekamilika na inatoa huduma ya maji kwa wananchi wapatao 17,430 . Aidha wananchi wapatao 23,401 wanakusudiwa kupata huduma ya maji baada ya miradi mitatu ya Matemanga, Mtina na Mbesa kukamilia. Taarifa ya mradi mmojammoja ni kama ifuatavyo;-
