"KUANZIA sasa mmekuwa wadau wa uhifadhi, Nendeni mkafanye kazi kwa uadilifu”. - DC TUNDURU

Imewekwa : July 30th, 2024

Mkuu wa Wilaya ya Tunduru,Mhe. Simon Chacha ameshuhudia zoezi la utiaji wa saini kwa Askari wa Uhifadhi wa Kijiji (VGS) 20, ambao wataenda kufanya kazi ya ulinzi wa maeneo ya jumuiya za wanyamapori za Chingoli na Nalika.

kikao hicho cha utiaji saini kimehudhuriwa pia na Katibu tawala wa Wilaya Ndg. Milongo Sanga, Mkurugenzi Mtendaji wa Halmashauri ya Wilaya ya Wilaya ya Tunduru Ndg. Chiza Marando, Kaimu Afisa maliasili wa Wilaya, Meneja wa miradi Nyanda za juu kusini-Honey guide, Wenyeviti wa bodi ya wadhamini wa jumuiya zote mbili na Mwanasheria wa Halmashauri ya Wilaya ya Tunduru.

Mpaka sasa Wilaya ya Tunduru ina jumla ya Askari wa Uhifadhi wa Kijiji (VGS) 210.

Juhudi hizi zinazofanywa na serikali kwa kushirikiana na wadau mbalimbali wa Uhifadhi wa kuwapatia mafunzo Askari ambao watakuwepo maeneo ya vijiji, ni kuhakikisha inaondoa migongano kati ya Binadamu na Wanyama.